上次講到風水老呃人十年八年．不過我發現呢個行業，比風水老更加呃得人多，更加唔負責任，佢地 就係大行分析員．07年市好時，大叫恆指可以升到幾多萬點，又話樓市升多三成；08年市淡，立即轉太，大吹09年樓市跌多兩成．二流分析員的遺害，比二流 風水師有過之而無不及，因為立即錄得大額損失也．
風水有時見效之快，令我自己都覺得出奇．現時最快紀錄，是晚上六時完成風水佈局，零晨一時就願望成真．
事緣有一位朋友，物業賣唔出，初頭只係睇下地圖及平面圖，就指點佈局，結果都係賣唔出．後來有一日忍無可忍上去實地睇，點知佢度門竟然係斜左，同平面圖有 出入．左思右想左一輪，六時左右親自搬好魚缸同大石等佈局．之後就一齊食晚飯．往食飯途中，地產代理打電話來約睇樓．晚上睇樓時，準買家一家在露台睇緊海 景，遠處寶翠台屋頂既皇冠燈飾突然亮起，令到準買家印象難忘，終於在半夜一點前簽了臨時買賣合約．
第二快紀 錄係一位後生女，剛畢業搵唔到野做，我幫佢佈局之後，佢仲同我輸賭，如果七日之內有人請，佢就點點點．佈局完成之後第三日，佢就有人請．第五日已經返左 工．呢件事佢一直唔敢話我知，因為驚我去收取佢輸左既賭注，直至佢老友向我踢爆左佢．不過，我無論如何都收唔到佢既賭注架啦．
特別鳴謝:鄭文珂(風水)師傅
