行運與行衰運 (二)

試過有D客好奇怪,公司小小問題又關風水事,但係好事發生又話唔關風水事.

例如客戶J在工業大廈經營出口業務,佢搵我睇風水時,我斷定佢辦公室會一舖清袋,原來有一日佢訓醒,佢最大既意大利buyer 執左笠,有二千萬收唔返.

執左風 水後兩星期,佢層無人睇既工業樓,忽然有人出現買左,佢地於是有第一筆錢周轉.又過左幾個月,佢地有個buyer造左好多貨,但由於市唔好唔提貨,之但係 呢個buyer竟然先俾左幾百萬貨錢佢地周轉,甘又過左幾個月,意大利buyer 完成清盤, 佢地收得返3成錢,甘已經夠捱好耐啦.

又例如佢大陸廠有零星罷工,當然我覺得相對其他廠,佢得幾條友醞釀罷工,真係小巫見大巫.之前我擺左八舊大石鎮壓員工作反,我叫佢移開石頭試下,移開後第一日,設計部就罷工.

佢或者都仲可以覺得自己唔係轉左好運.不過上年六萬間港資廠摺左一萬間,uright之類既上市公司都摺左幾間.可以好好生活落去既,已經係行緊運.

特別鳴謝:鄭文珂(風水)師傅